banner

رحلات سيوة

Start From 1100 EGP
رحلات سيوة
رحلات سيوة

حابب تزور سيوة أنصحك تزورها في الشتاء أو الخريف أي فصل تاني تضييع وقت , هاتحس هناك إحساس غريب ممكن تسميه \"إحساس سيوة\" بيبئا ميكس بين السلام النفسي و إحساس إنك عايز تجرب كل حاجة هناك زود عليهم إنك مش هاتبئا عايز تنام , فإحنا قررنا في GO Tours إننا نوصلك \"إحساس سيوة\" ب1100 جنيه للفرد في الغرفة المزدوجة أو 1250 في الغرفة المنفردة ( شامل الإقامة و السفاري و عشاء الكامب و الساند بورد و الجيب و الزيارات ) و عيش أحلى 3أيام – 2 ليلة في واحدة من أجمل الأماكن في مصر , بنحب نقدم بالغ إعتذاراتنا و أسفنا للأطفال تحت سن 8 سنين مش هاينفع تروحوا معانا لإن الرحلة للشباب و العائلات فقط...معلش يا أطفال هانجيب ليكواSouvenirs من هناك
أسئلة لازم تعرف إجابتها قبل ما تسافر معانا 

نوع الإنتقال إيه ؟
أتوبيسات سياحية مكيفة. 
الفندق أسمه إيه ؟
سيوه شالي.

ليه الفندق ده ؟
لإن منتجع سيوه شالي مش هايخلي في حدود بينك و بين الطبيعة لإن في أهم حاجة في سيوه هو الإحساس بالطبيعة و إن الصحرا و الجبال تبئا في كل مكان حواليك و طبعآ مش هاينفع تضيع شروق و غروب الشمس بسبب إن الفندق الشباك فيه صغير ف سيوه شالي الغرفة فيه ممكن تفضل قاعد فيها طول اليوم حاجة زي ديه مثلآ

و أماكن الجلوس في الفندق على شكل عربي السما فوقك و الصحرا في كل مكان و بس , ده غير إنك بعد السفر و الحركة الكتير في سيوة هاترجع الفندق تنزل في عين مياه طبيعية دافئة خارجة مباشرة من باطن الأرض تفك فيه عضلاتك و تريح جسمك.

طيب الرحلة يوم إيه ؟
19 أكتوبر // 9 نوفمبر // 23 نوفمبر شوف أنتا فاضي إمتى.

هانعمل إياه بالظبط هناك (برنامج الرحلة إيه) ؟
اليوم الأول :
نتحرك من ميدان التحرير أو الرماية ليلآ و نوصل الصبح سوية – تستلم الغرفة ترتاح شوية من المشوار و تاكل وجبة الغداء – بعد كده نتجمع و نروح زيارات إلى معبد الوحى و عين كليوباترا (ممكن تنزل فيها عادي) – قبل الغروب هانتوجه لجزيرة فطناس ( واضح من أسمها إنها بعيدة) تقريبآ أكتر حاجة ممتعة و مميزة في الرحلة هوا المشوار لجزيرة فطناس , لإنك هاتمشي وسط غابة من النخل و الطبيعة حواليك و ورق الشجر فوقك مغطي كل حاجة لحد لما تبتدي تشوف أشعة الشمس من بعيد تعرف إن إحنا وصلنا للجزيرة و تشوف من هناك تاني أجمل غروب في سيوة – اليوم خلص نرجع الفندق ؟ لأ هانروح لقلعة سيوة (أنتا شوفته قبل كده في فيلم أبو علي مشهد : أمين ولد جليل والا أمين ولد الطحاوي ؟) نخلص هناك و نرجع الفندق تاخد وجبة العشاء و تنزل في عين المياه الجوفية و تنام بدري عشان بكره هايبئا يوم طويل.

اليوم الثاني :
هانصحي بدري ناخد وجبة الإفطار و نتجمع عشان هانروح زيارة لبحيرات الملح تحس إنك وسط تلج بس هيا عاملة زي ما تكون واقف على مراية كبيرة شايف نفسك و السما وراك – شفت نفسك في بحيرة الملح نروح بئا نشوف الموتي في جبل الموتى ماتقلقش الموضوع هناك مش عامل زي العزا تشرب قهوة و نقوم بالواجب و نروح , لأ الجبل هناك ممتع جدآ و هاتقضي يوم جميل و مش هاتشوف ناس ميتة أو حاجة أنتا هاتشوف البلد كلها من فوق الجبل – هانرجع الفندق نتغدى و نجهز نفسنا للسفاري – العربيات اللي هانعمل بيها سفاري دفع رباعي 4X4 هنزور بيها البحيرة الدافئة (درجة حرارتها 37 درجة) و البحيرة الباردة (كلها أسماك لو بتحب الحياة البحرية) اللي حابب ينزل المياه ينزل اللي مش حابب هايبقى جنبنا منطقة منحدرات تتزحلق بالبورد و كمان منطقة حفريات – نفضل في المكان ده لحد الغروب و نخلص اليوم بوجبة العشاء اللي هاتبقى في كامب في الصحراء على ضوء الشموع – هانرجع الفندق.

اليوم الثالث : 
بعد الإفطار ننزل على وسط البلد نعمل شوبينج في محلات زيتون , بلح , تمر , و هدايا تذكارية مصنوعة يدويآ ترجع بيها لحبايبك في القاهرة – بعد كده نبدأ رحلة العودة.
***** كل المكتوب ده شامل بالسعر
 للحجز والإستعلام يرجاء الاتصال على 
☎01112273697 :Whatsapp☎
☎01117333253 - 01117333255 ☎
خلال مواعيد العمل من 10.00 صباحاً : 5 مساءً ماعدا الجمعة
او مرسلاتنا على : reservations@gotours-travel.com ✉
او زياره موقعنا :http://www.gotours-travel.com/
مقر الشركة في الشيخ زايد الحي الاول المجاورة الرابعة عقار9شقة103 بجوار معمل الفا 6أكتوبر

Book Now